​​沈玉琳為養女兒永不言休 葉璦菱爆愛子ØZI危險經歷

台灣藝人張秀卿、葉璦菱呢日作客由沈玉琳同利菁主持嘅綜藝節目，啱啱過咗57歲生日嘅沈玉琳亦越來越注重健康，之前用2個月時間減去12公斤，而喺注重健康嘅同時，佢對生活嘅態度亦變得更豁達。

沈玉琳減磅之後睇落年輕一截
沈玉琳笑言自踏入50診後就冇再特別計算年齡，要當自己越過越後生。佢又話因為囡囡細自己48歲，所以為幫囡囡賺日後嫁妝都要努力工作。沈玉琳又將歌手經常講嘅名句：「只要有一個人願意聽我唱歌，我就會繼續唱。」改成：「只要有一個人願意聽我們講笑話，我們就繼續主持下去。」 

玉琳哥呢日仲話因為女細老婆嫩，所以要繼續主持唔同節目搵錢

四位入行多年都有唔同嘅人生體會，葉璦菱就覺得，比起美貌，喺呢一行最重要嘅就係人緣，而且面皮要夠厚，先可以長做落去。而對於歌手邱軍日前疑似醉駕開車撞死的士司機其後不顧而去，葉璦菱都勸大家要小心駕駛，佢仲大爆囝囝ØZI雖然少開車，但曾經試過2次開車時發生碰撞事件，相當驚險。

歌手邱軍日前車禍撞死人不顧而去，呢日幾位前輩就提到駕駛一定要加倍小心