有片丨馮素波80歲生日獲七公主到賀 壽宴喜與6男1女上契添福氣

生日快樂! Happy Birthday!今日（7號）係波姐馮素波80歲生日，多年嚟敬業樂業，一直為演藝事業貢獻好作品嘅波姐馮素波，喺圈中人緣甚廣，深受台前幕後敬重。
薛家燕、陳寶珠、馮素波及沈芝華。
身為七公主嘅大家姐，波姐咁開心嘅日子，一眾姊妹包括沈芝華、陳寶珠、薛家燕當然要到嚟同波姐慶祝，波姐一見到好姊妹不知幾開心，仲同佢哋講「企到我腳都痹」，而沈芝華同家燕姐就送上利是，寶珠姐就準備生日禮物。
陶大宇、歐陽震華及商天娥。
波姐80歲仍然活力十足，喺會場不停擺甫士影相，一眾後輩亦親自到賀，包括歐陽震華、商天娥、陶大宇、陳善之。另外古天樂媽咪同佘詩曼媽咪亦係座上客。波姐最開心莫過於跟6位契仔及1位契女上契，令人生更添幸福及美滿。
古天樂媽媽（左一）及日佘詩曼媽媽（左二）亦有前來到賀。