星光燿燿耀保良丨中聲2唱將跨時代獻唱 鍾柔美JUPAS放榜未如理想

《星光燿燿耀保良》慈善音樂會將於8月10號舉行，一眾有份演出歌手方皓玟、JW王灝兒、鍾柔美、詹天文、周吉佩、李佳、羅啟豪、古淖文、顏米羔同譚輝智現身拜神儀式。JUPAS日前放榜，Yumi坦言結果未如理想，所以要再睇資料，然後再作決定。Windy喺開學前會到美國洛杉磯旅行，順道拜訪早前曾取錄佢嘅音樂學院及主題樂園。
鄭融、方皓玟、JW王灝兒。
《中聲2》幾位唱將首度參與演出，輝智上次同爸爸為慈善演出時，太太同鐵粉狄波拉大手筆支持，輝智話家人一向支持善事，所以一定會捐款。古淖文話今次三人會獻唱多首經典歌曲，帶觀眾跨時代重溫多年嚟嘅精彩表現，佢哋會分別獻唱張國榮、梅艷芳、張學友同林子祥等金曲。

一眾中聲唱將。詹天文同鍾柔美。