高Ling被傳與高大「青雲」出雙入對 高調同場合照親解緊密關係

日前被雜誌指同「嫩版青雲」行街嘅 高海寧 ，呢日大方高調同「新歡」齊齊現身活動，更加唔避嫌合照，可惜外界以為高Ling有新戀情之時，其實呢位男士只係佢嘅助手，感情暫時仲未有著落呀。

被指有新戀情嘅高Ling，呢日解釋對方只係自己助手

高Ling指身邊朋友同事見到報道都笑咗出聲，亦帶來唔少歡樂，大家仲為助手改名為青雲，更加爆對方更注意自己嘅儀容外表咁話喎。

佢同朋友同事之間仲將呢單烏龍緋聞視為笑料

呢日高Ling笑得咁開心，似乎對單身生活非常享受，不過早前佢傳出身體不適要入院檢查又有鬼剃頭，呢日佢就指病情已大有改善，之後會多多留意身體情況，同更加注皇健康咁話呀。

早前身體響起警號嘅佢，對身體健康更為關注