資深電視製作人及TVB前高層鄭偉強七月離世,享年76歲,家人喺今日(8月12號)以佛教儀式設靈。同鄭偉強情同家人嘅藝人陳煒、大姐明林建明、石修同兒子陳宇琛、鄧英敏夫婦、前著名電視監製李添勝均有前來靈堂送別。陳煒素顏現身一臉愁容,更以恩師形容鄭偉強。
陳煒素顏現身一臉愁容,更以恩師形容鄭偉強﹐最難忘係兩年前結婚時,鄭生代替煒哥離世嘅爸爸喺婚禮度拖著陳煒進場送嫁。陳煒更透露鄭生走得好突然:「因為一啲血塊阻塞,病情一兩日間就急轉直下,雖然佢家族有心臟病史,但鄭生平日好養生飲食相當小心,又做好多運動。」陳煒又指鄭生走得好突然,佢喺佛山拍劇趕不及見鄭生最後一面覺得好遺憾。 石修同鄭生相識五十多年,1972年喺TVB因工作關係成為好友。
石修父子受訪亦覺得鄭生嘅死訊好突然,因為鄭生平時係好健康嘅人,石修同鄭生相識五十多年,1972年喺TVB因工作關係成為好友,仲大讚鄭生喺美術舞台設計方面好有才華,唔少大型嘅綜藝節目、演唱會嘅舞台係佢一手設計出來,對於好友離世感到難過同可惜,二人除咗係同事仲係鄰居,所以兒子陳宇琛亦同鄭生上契。無綫前金牌監製添哥李添勝,前來送別鄭偉強。
鄭偉強喺6、70年代已經加入電視圈,曾經效力唔同嘅電視台,亦去過台灣製作節目,圈中人緣甚廣,周潤發夫婦、劉德華、鄭少秋、湯鎮業、苗僑偉戚美珍夫婦、鮑起靜同方平夫婦、姜皓文夫婦、鄭則士林燕明夫婦、尹錦輝等都有送上花牌致意。鄭偉強喺6、70年代已經加入電視圈,圈中人緣甚廣,不少圈中人送上花牌致意。