李克勤推出全新國語歌MV 與細廿多歲華劇女神演情侶

李克勤 近日忙住為內地嘅選秀騷《披荊斬棘的哥哥5》錄影，仲同步有推出新國語歌《捨得》MV﹐克勤邀請到內地劇集女神 張予曦 擔任MV女主角，仲激罕地同女主角上演浪漫拍拖戲。

克勤新歌《捨得》激罕有談情戲份，女主角更係內地女神張予曦

雖然予曦細克勤廿幾歲，但係兩人演起情侶都唔覺有違和感，克勤同予曦仲有唔少甜蜜場面，好似一齊畫畫、互相餵食、煮飯仔、床上依偎，仲有一場「床戰」以枕頭互打，打鬧仲搞到羽毛周圍飛。

MV中仲有「床戰」場面，戰況非常激烈

克勤上一次演感情戲份，相信已經要數到廿多年前拍劇嘅時候，佢亦出Post特別感謝予曦參與拍攝：「予曦真的是一位非常優秀的演員，也布希望大家喜歡我們共同呈現的作品。」而MV女主角予曦亦回覆指好榮幸參加克勤嘅MV又大讚新歌好好聽呀。

克勤最近正投入內地綜藝節目拍攝，力爭做新一屆哥哥