李克勤挑戰京劇演虞姬 被霍汶希誤認成米雪

李克勤最近於一個內地節目嘅舞台演出中挑戰虞姬一角，當完成妝頭後，唔只驚艷到在場嘅工作人員，就連克勤嘅經理人霍汶希Mani，睇完相後都話自己差啲認唔出對方：「啲同事好似嚟同我confirm工作，實則係考緊我！嗰日收到克勤虞姬嘅相嘅時候，我以為係米雪姐姐。」

克勤於節目中扮演虞姬一角。Mani話認唔同克勤。
克勤喺節目中同林志玲老公黑澤良平（AKIRA）、秦昊合作演出《蘭亭序》，由於呢次舞台融入京劇元素，佢同AKIRA雙雙挑戰虞姬扮相，克勤飾演一位即將謝幕離開舞台嘅旦角「虞姬」，而AKIRA則飾演風華正盛嘅「虞姬」，當克勤對鏡卸下一支支珠釵嘅同時，AKIRA則相反正在梳妝為登台做準備，兩人詮釋出完全相反嘅狀態，而作為「說書人」嘅秦昊，就隨住音樂起伏引導情節發展，將觀眾籠罩進舞台情緒中。

克勤飾演一位即將謝幕離開舞台嘅旦角「虞姬」。
為咗呢次年台演出，眾人不斷進行練習，而最初克勤學京劇時，經常被老師指要笑、感情唔到位，經過不斷練習同梳理劇情後，克勤嘅演出令佢再次獲得個人喜愛度第一位，而佢哋嘅演出亦成全場第二嘅好成績。
克勤喺節目中同林志玲老公黑澤良平（AKIRA）、秦昊合作演出《蘭亭序》。