甄子丹獲頒世界傑出華人獎 惠英紅得獎感壓力未來繼續為慈善出力

甄子丹、惠英紅、張國立及張藝謀等呢日齊齊獲頒世界傑出華人獎，得到呢個殊榮令大家感到非常鼓舞，子丹指多年前已同張導合作過，年幾前同阿女喺法國出席一個舞會亦見到張導，今次再聚會卻未有時間傾電影嘢，只係寒喧咗幾句，子丹直言想跟張導學習，不過電影合作係講緣份。

甄子丹呢日獲頒世界傑出華人獎。甄子丹呢日獲頒世界傑出華人獎。

惠英紅多年積極投入慈善工作，笑言得獎既開心又興奮，見到咁多人認同佢咁多年嘅努力，同時佢覺得有壓力，佢認為自己之後要做得更加好，未來仍然會為慈善工作出力，希望多啲接觸小朋友。
惠英紅獲頒世界傑出華人獎。
國寶級演員張國立、張鐵林同王剛之前聯手炮製嘅舞台劇喺香港演出，佢指香港能夠演大話劇嘅劇場有限，所以要排隊排到明年，佢都期待再喺香港表演，希望多啲交流，未來帶更多戲劇嚟香港。
國寶級演員張國立。張藝謀導演。