柯煒林教吳慷仁打羽毛球含意 與劉主平上演含腳趾戲無尷尬

「打羽毛球」近期成為香港城中熱話，連一部情慾電影嘅首映上，四位戲中演員吳慷仁、柯煒林、劉主平同梁湘華都作狀打羽毛球嚟配合呢個熱潮，吳慷仁同梁湘華兩位台灣演員都知道打羽毛球背後嘅含意，原來柯煒林係佢哋後導師，吳慷仁仲講笑話希望會有人問佢添，如果真係應該大把人排住隊。
柯煒林、梁湘華、劉主平同吳慷仁。
四位演員喺戲中有唔少大膽嘅情慾場面，尤其吳慷仁除咗有全裸鏡頭之外，仲要上演含住劉主平腳趾嘅戲份，兩位專業演員唔單止無尷尬，佢哋仲話拍攝過程好順暢，因為導演同佢哋講最緊要係佢哋舒服自然，但當問到拍呢場含腳趾戲係咪最有難度時？劉主平就笑言：「要保養一吓，因為出於專重對手。」而吳慷仁就話好乾淨咁話，兩人有趣地帶過呢個尖銳問題。

吳慷仁除咗有全裸鏡頭之外，仲要上演含住劉主平腳趾嘅戲份。
至於飾演性工作者嘅柯煒林，喺戲中會同梁湘華大玩SM，由於要著件密不透風嘅乳膠衣，令佢焗到一地汗水。對於票房方面，佢知道電影予人討論度都幾大，但認為香港觀眾見識廣博，一定能睇穿性愛背後嘅情緒碰撞，最深層打羽毛球嘅方法。
飾演性工作者嘅柯煒林，喺戲中會同梁湘華大玩SM。