35歲龔嘉欣毫無預警下曬婚紗影片 與男士甜蜜依偎講Yes I Do？

35歲龔嘉欣近年傳與日籍甜品師松岡哲也拍拖，龔嘉欣未有認愛，不過佢曾講過唔排除閃婚做新娘，已踏入高齡產婦年齡嘅龔嘉欣，亦擔心生B有困難，但係佢近排改口風稱澄清真命天子尚未出現，對婚事並唔着急，今日卻喺社交平台毫無預警下，忽然貼出身穿婚紗嘅影片，跟影片中嘅男士甜蜜依偎。

35歲龔嘉欣喺社交平台毫無預警下，忽然貼出身穿婚紗嘅影片，跟影片中嘅男士甜蜜依偎。
龔嘉欣今日喺社交平台貼出一條甜到漏嘅影片，見佢全程流露出甜美嘅笑容，一時捱向男士肩膀、一時又跟男士額頭貼額頭，影片更寫上「謝謝你來到我的世界……Yes I Do，20250108」，幸福感滿瀉，唔通真係好事近！？影片一出post已吸引不少網民畀like並留言送上祝福，表示期待聽晚睇全個故事。

影片更寫上「謝謝你來到我的世界……Yes I Do，20250108」，幸福感滿瀉。
龔嘉欣雖然收到好多恭賀嘅留言，不過佢大賣關子：「謝謝你來到我的世界，屬於我們的一個小故事，希望會為你帶來驚喜，明晚 8 Jan 21:00！」而黃翠如就話：「我差啲誤會咗啊。」未知龔嘉欣口中嘅「驚喜」係啲咩？

龔嘉欣近排澄清真命天子尚未出現，對婚事並唔着急。