魏駿傑轉型「情感博主」教人生道理 講放低前度遭網民揶揄

魏駿傑與內地女友張利華喺2008年拉埋天窗，結婚7年多次傳出婚變，直至2020年張利華被雜誌爆疑似背夫偷食，其後魏駿傑承認離婚，並與阿女相依為命，最近魏駿傑轉型做「情感博主」，喺社交平台拍片教大家人生道理，最近以「不要焦慮，不要內耗，你值得更好」作標題，教人要放低前度，點知被網民翻佢嘅情史舊帳，重提當年佢同滕麗名分手一事。

魏駿傑轉型做「情感博主」，喺社交平台拍片教大家人生道理。

魏駿傑曾講過因離婚受情傷，加上疫情封關嗰段時間令佢好難受，甚至有一年半冇乜收入，魏駿傑聲稱為咗照顧阿女，打消輕生嘅念頭，決定涯落去，魏駿傑去年轉戰內地發展，更開設抖音與網民互動，拍片分享生活點滴，佢近日忽然化身情感博主，
魏駿傑拍片教人放低前度，指「失去嘅人，係因為佢唔屬於你；你放唔低，係因為你唔甘心。但如果你失去嘅係一個唔再愛你嘅人，又有咩值得可惜？你仍然有好多機會，去愛與被愛」。

魏駿傑似乎未有受此事影響心情，繼續拍片講喺內地旅行玩樂。

有網民卻寸魏駿傑當年傷害滕麗名，稱滕麗名當年係痛好多倍，更稱好在滕麗名只係「失去了一個不再愛她的人」，引起網民討論，而魏駿傑似乎未有受此事影響心情，繼續拍片講喺內地旅行玩樂。

滕麗名與魏駿傑喺1998年演《陀槍師姐》，2007年結束9年情。

滕麗名與魏駿傑喺1998年演《陀槍師姐》，2007年結束9年情。翌年魏駿傑與張利華閃婚，一度被外界狠批係負心漢，佢其後受訪直言彼此之間突然冇咗愛情感覺。之不過呢啲都係網民為滕麗名抱不平，查實滕麗名早已收穫美好良緣，佢與老公朱建崑（Matthew）結婚多年仍非常恩愛，更不時幸福放閃。
滕麗名早已收穫美好良緣，佢與老公朱建崑（Matthew）結婚多年仍非常恩愛，更不時幸福放閃。