袁文傑飽受傷患困擾趁《愛‧回家》劇組休假做手術 暫未能劇烈跑動等待康復

近日長壽處境劇《愛‧回家之開心速遞》因存貨量充裕，劇中一眾演員們稍作休息，唔使日日開廠，喺劇組休假期間，飾演「潮偉」嘅袁文傑有特別行程安排畀自己，就係入醫院做咗個小手術。

袁文傑今日喺社交平台上載咗一張喺病榻上嘅相片，右邊膝蓋貼咗兩塊紗布。
袁文傑今日喺社交平台上載咗一張喺病榻上嘅相片，右邊膝蓋貼咗兩塊紗布，向大家交代狀況：「困擾咗一段時間傷患，終於完成手術，而家等待康復，不過以後要小心，暫時劇烈跑動仍未可以，本身膝部軟骨組織磨損得都嚴重，總之就係要好好保養。」相中見袁文傑精神奕奕，相信好快就會痊癒。

最搞笑係有眼利網民發現佢張相應該喺廁所拍攝。
而喺手術前一日，袁文傑提前入院準備時又上載相片表達心聲，話自己要等待一個晚上。最搞笑係有眼利網民發現佢張相應該喺廁所拍攝，仲問「游生，(游生係《不懂撒嬌的女人》角色)呢個姿勢同表情好似將要辦大事喎﹗」該網民笑佢係廁所上嘅「等待」。

滕麗名就去咗享受美食。
喺《愛‧回家》劇組小休期間，見演員們多咗好多好友聚會，同埋可以盡情安排節目，好似滕麗名就去咗享受美食，而呂慧儀就同朋友及《愛‧回家》嘅家人賀生日。

呂慧儀就同朋友及《愛‧回家》嘅家人賀生日。