唔少港媽近年安排小朋友去軍校暑假訓練營,等啲小朋友學習獨立,以及多啲體驗,黃依汶(Emme)早前幫8歲兒子陳真報青少年軍校領越特訓班,去深圳分校接受軍訓,黃依汶喺IG貼出阿仔受訓嘅影片,以及陳真出營後講感受,阿仔陳真坦言7日冇得見爸媽係好掛住。黃依汶早前幫8歲兒子陳真報青少年軍校領越特訓班。
片中見8歲兒子陳真努力接受訓練及學習做事堅持,又要洗衫洗地洗廁所,由於喺大熱天下,日曬雨淋進行步操及體能訓練等,小朋友們均汗流浹背,當小朋友睇到家書嗰陣,個個都淚流滿面,而兒子陳真出營時,見到前嚟迎接嘅黃依汶,陳真忍唔住落淚。兒子陳真表示:「最痛苦係掛住爸爸媽媽,呢7日咁耐冇得見我最深愛嘅人係有啲辛苦……一半鍾意一半冇咁鍾意,真係好辛苦、天氣好熱。」黃依汶喺IG貼出阿仔受訓嘅影片,以及陳真出營後講感受。
片中見8歲兒子陳真努力接受訓練及學習做事堅持,又要洗衫洗地洗廁所。
黃依汶亦撰文指阿仔喺暑假最後一站去青少年軍校特訓營,對於一日都從未離開過屋企嘅阿仔嚟講,去一個未知嘅環境接受嚴格訓練,的確係好大挑戰:「當日你忍住眼淚擁抱我們,深深呼吸, 頭也不回就步入學校,那一刻你勇氣無限大。」小朋友睇到家書嗰陣,個個都淚流滿面,陳真亦眼濕濕。
見阿仔同好友一齊適應一齊學習,的確係一個非凡嘅體驗,黃依汶希望阿仔所有淚水與汗水能化成為成長中一個堅強嘅印記。黃依汶指阿仔的確堅強咗,而且學會腰板挺直,阿仔出營前更不忘買支可樂畀爸爸「小龍」陳國坤,黃依汶又指學校仲教小朋友感恩,「返嚟講而家有舒適同快樂都來自父母,要學會感謝」。阿仔出營前更不忘買支可樂畀爸爸「小龍」陳國坤。
原來周家蔚本來今個暑假亦想安排阿仔喺上海受訓,點知洪天明要做嘢,所以要等下年,而另一位阿媽林芊妤(Coffee)亦好想即刻送個仔入營享受吓,不過應該要翟德彥(伯伯)大個啲先。周家蔚同Coffee兩位媽咪急不及待送兒子入營享受。