圭賢台灣遇地震被嚇親 被問到裸睡問題直呼奇怪

韓國天團Super Junior日前去咗台灣開個唱，眾所周知佢哋嘅成員圭賢非常鍾意去台灣旅行，最近佢終於圓夢，受邀擔任韓國市場台灣觀光代言人，但係為咗保密，即使佢去台灣拍宣傳片，一眾SJ嘅隊友都係毫不知情呀，圭賢仲話可能隊友們知道後會生氣，笑言叫大家幫佢保守呢個共同秘密呀。

圭賢話對於呢次受邀成代言人自己好感動，同時希望令更多人知道台灣嘅靚景與美食，所以對於呢份工作佢感到好幸福。

早前低調到訪台灣嘅圭賢，呢日獲委任為推廣大使

呢次去到台灣出席代言活動期間遇上地震，由於圭賢話自己未遇過地震，所以當日佢喺建築物內拍攝直傳片時，自己有被嚇到，仲話當時唔知要逃出去定點做好。但當有記者問到圭賢如果喺酒店遇上地震，咁啱佢又係裸睡嘅話，逃跑時會先着上衣定褲？圭賢聽完即刻有時無奈，仲話自己唔會裸睡，但如果一定要揀就會先着褲，佢答完之後仲不停重複咁話呢條係一條好奇怪嘅問題呀。

佢此行經歷地震被嚇到，又大讚台灣美食多不勝數

之前圭賢去台灣旅行時都會拍Vlog，有台灣食店就將佢介紹過嘅美食整理成圭賢套餐，而作為台灣觀光代言人嘅佢，就再次出手推薦台灣必食美食，當中包括牛肉麵、油條同豆漿、芝士蛋餅。

圭賢呢日亦公開私心最愛美食

而喺記招上有記者問到關於飲酒嘅問題，但就被大會阻止，不過圭賢就大方表示可以回答，贏得在場眾人掌聲。