林智樂小時候被DJ神秘感吸引 余宗遙緊張說話易食螺絲

林智樂 余宗遙 周卓盈 以及女團 Beanies 成員Kay呢日出席一個電台活動，一試做DJ嘅滋味。Felix同Dez同屬選秀出身，佢地想以過來人身份鼓勵一眾參加DJ選拔賽嘅參賽者，Dez話最緊要輕鬆啲，因為發現有時講嘢仲難過唱歌，自己緊張時說話會越來越快，不自覺就會食螺絲。

Dez話認為主持講嘢仲難過唱歌，自己一緊張講嘢仲會越來越快

Felix指自細已覺得DJ嘅工作充滿神秘感

而Felix由細到大都有夢想過做DJ，因為見唔到樣，覺得有種好神秘感覺，參與活動令佢願望成真，但佢就話若果真係能夠成為DJ，佢一定會有自己風格同態度。

Kay同周卓盈作為DJ初哥，面對每件事都充滿新鮮感，好享受搵歌嘅過程，Kay要接受挑戰一人搵50首歌曲，仲要諗定主題同故事，後來發現好多歌都未聽過，好享受細味過音樂過程。而周卓盈就覺得太多歌想揀同表達，就好似重溫自己人生一樣，感覺好特別。