岑麗香獲老公批准將復出怕劇 處女黨重聚撐鍾嘉欣廣州騷

岑麗香 自從結婚生子之後就專心相夫教子，間中先會出席活動，不過呢日佢現身時就宣布好消息，佢話已經得到老公批准，即將會復出拍劇，不過兩個囝囝就暫時未知道：「老公批咗啦！佢都support件事，如果係嘅話先至同小朋友講，無謂打擊佢地先。」香香話到時如果真係復出拍劇，老公就要負責湊仔，佢大讚老公係神隊友，凡事親力親為，所以好放心。

已為兩子之母嘅香香呢日現身活動，仲指老公批准復出
暑假來到尾聲，小朋友陸續開學，香香嘅兩個仔都已經開學，佢終於有返多啲Me Time，可以做下自己鍾意嘅嘢，近排佢迷上車衫，仲打算自己車衫車玩具俾小朋友。
兩個小朋友都已開學，香香亦有更多時間Me Time

香香早前同處女黨成員苟芸慧、李亞男、王君馨齊齊去廣州主持好姐妹鍾嘉欣開騷：「大家一齊揸車上去，好似一個小小嘅road trip咁，因為我地依家個個都大個女啦，有各自嘅家庭，所以好難得有呢個機會。」雖然即日來回，返到屋企已經凌晨三點，但都覺得好開心。

早前佢就同處女黨成員一齊到廣州支持鍾嘉欣演出喇