2025孕媽媽丨何依婷孕照展現豐滿身材 賴慰玲夕陽海邊留倩影

除咗早前同大家分享過翠如同阿蕭水準備迎接新生命嘅興奮之外，今年仲有幾位圈中女藝人都即將迎接BB嘅降臨，好似 何依婷 王君韾 仲有準備生第二胎嘅 賴慰玲 咁，都分別分享女性懷孕嘅最美麗時刻。

初為準媽媽嘅 何依婷 以大肚相迎接2025年來臨嘅喜悅，戴住草帽嘅佢身穿享受陽光嘅裝束，除咗巨肚散發幸福感覺，其豐滿上圍同樣搶眼，仲喺帖文寫上「期待2025新開始新身份。」
何依婷以靚相分享將為人母嘅喜悅

而再度懷孕更即將臨盆嘅賴慰玲，心中對迎接BB來臨嘅期待絕不比初為人母嘅準媽媽少，佢分享咗自己喺海邊夕陽下嘅孕照，散發住母愛嘅美。Winki指兩個人一個身體嘅日子，每日都有好多變化同挑戰，真係關關難過關關過，進入最後階段，依然覺得好不可思議，真係好期待好期待抱抱你。字裡行間流露出做母親嘅付出同擔憂，以及母愛的偉大。
孕期已達9個月嘅賴慰玲即將準備臨盆

而王君馨亦分享同腹中BB出席電台頒獎禮嘅相片，佢話好享受全晚同唔同親朋好友聚會，又指可以做到歌手，係一件唔容易嘅事，自己會好好珍惜同努力創作。

王君馨以自信十足嘅表情，帶孕肚現身電台頒獎禮