楊洛婷父親留醫深切治療部 氧氣水平低靠氧氣機呼吸

樂隊Dear Jane主音阿Tim黃天翱，元旦日喺音樂頒獎禮台上領獎致謝詞時，透露外父、老婆 楊洛婷Rabeea 嘅爸爸喺溫哥華緊急入院做手術，而太太亦即時趕回當地照顧，所以阿Tim希望大家可以為外父集氣，仲大叫外父要頂住。
楊洛婷爸爸要靠氧氣機維持呼吸。
已趕返溫哥華同家人喺醫院深切治療部陪伴爸爸嘅Rabeea，今日（3號）就喺社交平台表示，自己收到好多人問爸爸點解會入咗院，Rabeea貼出一張喺氧氣機嘅相，並於帖文中交代爸爸病情：「我爸爸真係我認識最堅強嘅人！過去20多年來，佢經歷咗兩次心臟移植同一次腎臟移植，雖然佢服用嘅藥物可以防止排斥反應，但都令佢嘅免疫系統變得好脆弱，傷風或者咳嗽咁常見嘅病對佢嚟講都可能危險。」
Rabeea發文交代爸爸情況，同時亦感謝大家嘅問候同為佢爸爸集氣。
而最近一個月，楊爸爸出現好嚴重嘅呼吸困難，氧氣水平降得好低，對佢嘅肺部造成咗永久性嘅損傷。醫生做咗好多病毒測試，但都未能確診。現時情況只能靠氧氣機來呼吸。醫生已經盡咗最大努力，而家就要睇楊爸爸能唔能夠克服一切。
楊洛婷一家人感情非常好。
楊洛婷一家人感情非常好。
Rabeea對爸爸仍然充滿信心，佢話雖然面對咁多挑戰，但依然充滿希望：「爸爸喺整個治療過程中展現出嘅力量同堅忍，令我相信佢一定可以戰勝呢個難關！」Rabeea亦感謝所有喺messages 慰問我哋同為我哋祈禱嘅每位朋友，相信呢啲力量全部畀晒爸爸支持緊佢。

一家人不時會一齊出動食好西。