汪明荃特輯《荃頌荃盛》周日播 與潘靜文鍾柔美分享演藝經驗

汪明荃縱橫演藝界超過五十年，創造過無數經歷舞台同電視角色，喺9月1號晚起，翡翠台會連續兩個星期日，播出特輯《荃頌荃盛》，回顧Liza姐締造過嘅經典時刻，阿姐亦特別請嚟新一代歌手潘靜文擔任節目主持，同後輩分享經驗，另外曾經同Liza姐合作唱跳舞台嘅鍾柔美亦擔任嘉賓，分享同Liza姐嘅神級合作感受。
Liza姐嘅特輯星期日晚播出

Sherman話同阿姐合作學到唔少嘢

Yumi就指未認識之前覺得Liza姐非常嚴肅

曾經同Liza姐合作過嘅Sherman，就話喺對方身上學到好多嘢，尤其學識開工要早到，佢話Liza姐相當專業，每次開工都一定早到十五分鐘，而Yumi就話當初覺得Liza姐好嚴肅，所以開頭都有啲驚，但之後就好享受同阿姐合作過程，阿姐話佢哋兩個對佢昔日演出嘅趣事都好有興趣，而佢亦都樂意同後輩話當年呀。 
Liza姐從視演藝行業逾半世紀

支持咗Liza姐多年嘅「明荃之友會」會員亦有現身節目，仲有幫阿姐慶祝8月28日牛一，Liza姐就祝願身體健康同埋嚟緊紅館演唱會順順利利，相隔七年再踏紅館台板嘅Liza姐，就話呢次終於可以滿足粉絲嘅要求，講到開show必唱嘅心水歌曲，Liza姐就話一定係《萬水千山總是情》呀，相信阿姐嘅粉絲一定會熱切期待呀。
明荃之友會嘅朋友突然現身，為Liza姐慶祝生日

《荃頌荃盛》9月1號起 連續兩個星期日晚 22:00 翡翠台