葉蒨文擔任港姐決賽表演嘉賓 期待與一眾新生代歌手演出

9月15號係《2024香港小姐競選》決賽嘅大日子，大會更宣布咗一個好消息，就係當晚葉蒨文將會擔任表演嘉賓，同一班新生代歌手好似聲夢歌手黃洛妍、趙紫諾、劉詠彤、趙頌宜、洪心怡、仲有女團XiX一齊載歌載舞，呢日佢哋就為演出排練，阿Lam 林子祥亦都有陪同莎莉一齊現身，佢哋仲準備咗一個蛋糕，同九月之星Sabrina慶祝16歲生日，搞到Sabrina都有啲受寵若驚。
莎莉呢日驚喜現身，為Sabrina慶祝 16 歲生日。莎莉同阿Lam大讚一班新生代歌手前途無可限量。
雖然第一次同呢班小妹妹合作，但係莎莉就好欣賞佢哋，仲讚佢哋又乖又勤力：「我的天啊，佢哋好勤力工作，佢哋將demo傳給我聽，我好感激佢哋咁用心。」莎莉仲話連阿Lam都讚佢哋唱得好好，所以佢好希望藉住呢次嘅合作，帶一啲新生代嘅歌手比大家睇下，佢仲話一早已經見識過佢哋嘅潛力，仲大讚佢哋前途無可限量，
莎莉劉詠彤、趙頌宜、趙紫諾
咪睇呢班小妹妹年紀輕輕，其實佢哋對莎莉同埋阿Lam前輩啲歌都好熟悉架，佢哋亦希望從中向前輩偷師，掌握多啲歌唱技巧，好似Janees黃洛妍就話一直視莎莉同阿Lam係偶像，佢仲分享咗有次出街食飯，偶遇莎莉同阿Lam嘅開心經歷，Janees話佢當刻真係開心到呆咗，所以呢次有機會同莎莉同台演出，佢都覺得既興奮又期待呀。

一眾聲夢新生代歌手呢日為港姐決賽排練。

至於講到港姐呢個選美盛事，XiX都話佢哋每年必定會睇，今年仲可以參與表演環節，佢哋都覺得夢想成真呀。
XiX話佢哋每年都會睇港姐。