古天樂 李若彤神雕組合再重聚 勾起不少網民昔日回憶

金庸武俠小說經典永流傳，多年嚟亦不停翻拍做真人版，不過講到經典，就肯定唔少得古天樂同李若彤呢對《95版神雕俠侶》組合！繼2019年《神鵰》聚會，二人為監製李添勝補祝生日後，近日古仔同李若彤喺一個內地活動再重聚。李若彤更喺社交平台分享同古仔嘅合照，形容古仔仍然有型：「29年了，我的過兒依然這麼帥。」
 古天樂同李若彤再次同框。
除咗合照，其實李若彤仲Post咗一段二人喺後台同框片段。從片段可見，古仔喺後台行行下突然停低，身穿白裙嘅李若彤上前挽住古仔，二人一邊行一邊有講有笑，李若彤更寫道：「29年後『過兒回頭』，姑姑依然在你身後！」而呢段片亦勾起唔少人嘅昔日回憶，大讚：「我的CP回來了！」
即勾起一眾神鵰迷嘅回憶。姑姑同過兒。