香港演藝人協會舉辦School Tour 古天樂帶隊入校園為學生打氣

香港演藝人協會今日喺社交平台上載咗一條短片，片中一眾理事 余安安、錢嘉樂、張繼聰、趙善恆、周家怡、小肥圍埋一齊，同岑珈其、J.Arie、鄭文、游學修、王梓軒、梁棨寧（咸蛋）開視像會議，而身為會長嘅古天樂則雙手扶額、耷低頭一副沉思嘅樣。

香港演藝人協會開會。
至於眾理事開會講傾嘅，就係講緊香港演藝人協想搞啲嘢關注一下現今學生嘅情緒，最初恆仔就提議香港演藝人協搞School Tour，走入校園為學生打氣，但身邊嘅周家怡就即刻反對，仲話咁易諗到大家就唔會坐晒喺度，之後理事們逐一表達意見，大家都話古會長貴人事忙，邊會得閒同大家一齊走入校園。之後阿聰亦開口指自己仔女嘅情緒都未關顧到，所以唔建議去學校，而視像中嘅游學修亦話搞呢啲好易畀人鬧。

起初古會長低頭唔出聲。
見到大家咁抗拒，嘉樂同安安姐都話咁不如算數唔好搞，仲開口話散會，點知呢個時候古天樂就開聲：「我諗到喇！一於殺入學校，搞School Tour！」眾理事聽到古會長咁講，個個都即時轉口風，讚成對方嘅提議。眾理事喺度傾嚟緊嘅計劃。

眾理事喺度傾嚟緊嘅計劃。
當然上述所講嘅都只係設計劇情啦，唯一真實嘅就係香港演藝人協會嚟緊真係會搞School Tour，走入校園為學生打氣，貼身關顧學生情緒！香港演藝人協會歡迎各大專院校、中學及小學以電郵查詢詳情。
錢嘉樂、余安安。古會長個樣好得戚。