祥賭必贏｜阿Sa自爆牌精兼任技術指導 阿聰朱康爆肚劇情大暴走

蔡卓妍 張繼聰 朱栢康 吳家忻 等主演嘅賀歲片《祥賭必贏》，已鐵定年廿九爆笑登場，日前一眾成員先喺商場為新片宣傳，亦公開正式預告片，戲中扮演病態賭徒文菁嘅阿Sa，一開始就大叫「我要賭錢！無人阻到我！」，盡顯賭仔本色。點舍爛賭婆之後遇上由阿聰飾演嘅涼果大王傳人，令文菁決心為真愛老公戒賭。

劇中係病態賭徒嘅阿Sa，拍攝時仲為各演員講解打牌技巧
預告片中仲見到過往演盡唔同角色嘅朱康，爆笑化身Oppa騷韓文，加上Kayan、修哥胡楓、洪嘉豪、楊偲泳、楊偉倫等，相信新片一定爆笑連場。
日前嘅宣傳活動，阿聰太太謝安琪仲帶埋囡囡Kakaball捧場

真心係麻雀天后嘅阿Sa，興奮咁話：「收到劇本覺得好正，因為我真係鍾意打麻雀，對麻雀係真愛，唔打錢都得！」仲自爆床為眾演員嘅麻雀指導，又指拍攝時，導演盡情由大家爆肚發揮。
阿Sa仲話麻雀係自己嘅真愛喎

而阿聰就話：「同阿康、導演一大班人拍ending 最開心。都唔怕劇透，去到最尾我哋拍到有啲暴走，可能睇到觀眾嘅心入面有個疑問，但呢種節奏嘅喜劇可話只此一家，新年一齊暴走爆笑！」

朱康演技百變，今次就會扮演一名韓國Oppa喇