法證VI花絮丨蔣祖曼險被巨型水晶燈照頭轟 親身演繹零替身

喺《法證先鋒VI:倖存者的救贖》中蔣祖曼有別於過往戲路，挑戰飾演國際名模Nana，為左貼近角色身材，Joman事前都進行地獄式激減15磅，唔少造型仲被網民大讚，呢日Joman一身全黑時尚打扮，戴上巨型禮帽，化身氣質美女，十足十拍攝緊時尚品牌廣告一樣，不過Joman名模氣場「帥不過三秒」﹐事關佢要迎接巨型吊燈下墜嘅大場面。

Joman喺劇中遇襲。為求效果逼真，拍攝所用嘅水晶吊燈亦斤兩十足，雖然Joman並唔係被安排「中頭獎」，但係劇情講到吊燈係佢身邊下墜，佢要嚇至趴喺地，Joman要靠想像力，幻想吊燈在身旁下墜，再完成尖叫趴地動作，因為全身係透視衣著，所以Joman唔可以穿軟墊護體，全程靠自己「就力」訓身演出。Joman無論係身形、演技同拼勁同樣在線，難怪劇接劇有咁多演出機會啦！

做咩事咁怕醜？

國際名模Nana上線。