喬宏太太丨93歲小金子作客電台節目 指老公初次約會就去游水

著名演員喬宏喺1999年4月因心臟病發離世，佢哋遺孀小金子繼續秉承丈夫生前理念傳播福音。定居喺美國，現年93歲嘅小金子日前到加拿大傳福音，並應邀到電台接受訪問。喺直播鏡頭前見到小金子精神奕奕、中氣十足兼口齒伶俐，期間主持人仲擔任訪問時間長，溫馨提示小金子若果覺得攰就出聲，點知由電台出身嘅小金子話唔使抖。

小金子去到加拿大接受電台訪問。
小金子喺訪問中大談跟喬宏相識經過，當年佢同喬宏一齊喺電視台工作，佢就係新聞部，而喬宏就係戲劇部，就因為佢哋都講普通話，所以食飯時就多咗傾談機會。小金子憶述兩人初次約會，佢話：「有日朝早我報新聞，佢就喺出面揮動毛巾，然後約我去石澳游水。我話乜都冇帶，佢就話返屋企拎。」小金子話從來都未同男仔交往過，而喬宏呢份率直亦令佢唔知點拒絕。

93歲嘅小金子非常精靈。

生母喺小金子四歲時就過身，所以七歲後就被領養，而養母一定叮囑小金子要肯定對方適合做老公先交往，點知當養母見到小金子帶住喬宏返屋企拎泳衣就問「妳鍾意呢個男仔？」小金子唔知點答，結果養母都畀佢哋去約會。小金子話：「當時坐巴士去石澳，我又唔係好識泳水，點知佢叫我一齊游出浮台，之後返埋岸邊時已天黑冇巴士，最後要叫車出市區，再轉電車返屋企。」自始兩人就成為情侶再步入人生另一階段。

小金子同喬宏相當恩愛。
近年以喜樂婆婆之名傳播正能量，小金子話認識喬宏同信主前，佢係苦瓜乾，因為成長經歷太多低潮，更加喺十歲時曾經萌生自殺念頭，亦因為高中未畢業而自卑，但一切當佢得到宗教信念及正面嘅喬宏影響下，就活出精彩喜樂人生。
小金子同喬宏相當恩愛。