修哥93歲生日慶祝晚宴極端熱鬧 精神抖擻未言休續為觀眾送歡樂

藝齡已逾70多年嘅 胡楓 ，星期六度過93歲生日，近年加入社交平台，不時於網上分享生活同訪問老友嘅佢，呢晚於一個晚宴同大家分享喜悅，現場大班老友齊齊到賀，好似 羅蘭 盧海鵬 狄波拉 米雪 監製 劉嘉豪、梅小青夫婦 何麗全 姜大衞 連炎輝 王玉環「順嫂」梁葆貞 斑斑 方國珊 陳淑芬 葉尚華 潘志文 吳麗珠 古天樂媽媽 等都有現身，場面非常熱鬧。

修哥與好友出席晚宴，同場亦為佢慶祝93歲生日
曾先後三度創下最年長藝人於紅館開騷紀錄、去年更獲政府頒授銅紫荊星章表揚數十年來對演藝界貢獻嘅修哥，呢晚亦精神十足，以一套花紋西裝加上紅色上衣一直同嘉賓合照，現場大班好友之外，家人兒孫亦大堆頭到賀，修哥仲笑容滿面指往後會繼續拍攝唔同短片同大家繼續分享生活有趣事咁話。

修哥老當益壯，更係兒孫滿堂