夫妻的博弈丨高海寧何沛珈為游嘉欣提早慶祝生日 楊卓娜眼受細菌感染收工即睇醫生

TVB新劇《夫妻的博弈》喺去年11月中舉行開鏡儀式，一眾演員早前完成喺深圳拍攝嘅戲份，最近又要忙於喺香港繼續趕拍，高海寧（高Ling）、楊卓娜、何沛珈、游嘉欣及李海銅今早5點幾就開工，眾人精神奕奕拍外景，完成「香港第一日開工」，仲同1月20號生日嘅游嘉欣提早慶祝。

眾人精神奕奕拍外景，完成「香港第一日開工」，仲同1月20號生日嘅游嘉欣提早慶祝。
高Ling喺社交平台貼出合照，見佢哋準備咗一個芒果蛋糕提前為游嘉欣慶祝25歲生日，高Ling今次造型明顯省鏡好多，上次佢哋喺深圳商場拍嘢時，有網民影到高Ling劇中打扮勁似師奶look，而今次呢個打扮就係佢喺劇中飾演廣告公司高層嘅造型，同之前嘅師奶look，真係判若兩人。

上次佢哋喺深圳商場拍嘢時，有網民影到高Ling劇中打扮勁似師奶look。
楊卓娜、游嘉欣同李海銅開完工仲一齊約埋飲茶醫肚，見楊卓娜刻意以V字手勢遮住左眼，事關佢早前左眼受細菌感染而嚴重發炎，嚟緊星期日要去澳門出席《萬千星輝頒獎典禮2024》，當然想以靚靚打扮登場，楊卓娜跟手就去睇醫生，尋求專業協助，楊卓娜話同醫生溝通咗一輪，終於知道點解搞成點！

游嘉欣及李海銅今早5點幾就開工，埋位化妝，準備拍外景。

楊卓娜、游嘉欣同李海銅開完工仲一齊約埋飲茶醫肚，見楊卓娜刻意以V字手勢遮住左眼。
《夫妻的博弈》講高Ling扮演罹癌女主角姜幸如，發現老公同自己唯一閨蜜姦情，仲慘遭兩人下毒手；姜幸如後嚟竟然「死而復生」，奇迹地重返5年前。 高Ling喺劇中任職廣告公司高層，經歷「重啓人生」後，以亮麗外型，回到過去而擁有「預知能力」，帶領一眾女同事組成粉紅兵團，創作打動人心嘅廣告。
楊卓娜早前左眼受細菌感染而嚴重發炎，佢去睇醫生尋求專業協助。