楊祐寧主演監製亞洲首部性治療主題劇 好友楊謹華Ella參與尺度嘩嘩聲

楊祐寧 監製兼演出；以性治療為主題嘅劇集呢日舉行宣傳活動，有份參演嘅 楊謹華 同 陳嘉樺 呢日亦有現身，而扮演開放性治療師嘅謹華，拍攝前仲向專業人士請教，又上親密指導課長程深入了解，仲話的確學到唔少嘢呀。

我哋搵時間Book場打羽毛球，人哋劇集已經以性治療為主題喇
當記者問到上完堂有冇學以致用時，楊監製就挺身而出，不過就唔係代轉話題，而係讚謹華容光煥發滿面春風，成功將話題繼續深入落去，佢仲話事前一早已同老公溝通商量好咁話。
扮演性治療師嘅楊謹華一早同老公討論劇情

Ella喺劇中同祐寧首次正式合作，扮演房事唔太順利嘅夫妻，不過就拍到周身痠痛，因為祐寧嘅姿勢實在太怪異喎。而兩位女士講到劇情內容時，仲大尺度到話其中一幕係一齊自娛，搞到現場傳媒朋友同身為男士嘅楊祐寧都頂唔住Ella嘅粗豪性格，笑到大家停唔到呀。
Ella毫無包袱嘅訪問內容，令傳媒同祐寧都笑到失控

月中就係S.H.E. 出道23周年，不過呢日Ella就指暫時未有特別安排，但係都要非常感謝各界嘅注目同關心呀。

S.H.E.即將迎接成軍23周年，不過呢日Ella就話冇特別計劃