韓星池昌旭訪台被催開見面會 被品牌總裁進擊提問一度不知所措

韓星池昌旭最近相隔11年再拍古裝劇，佢同拍檔鄭柔美嘅18禁床戲震憾到唔少觀眾，雖然忙住拍劇，但係Oppa日前都有抽空去到台灣出席代言嘅手表活動。已經一段時間冇出席公開活動嘅佢，呢日吸引咗300名粉絲支持，加上佢上次喺台灣開見面會經已係疫情之前﹐難怪粉絲都狂催佢盡快再開見面會，不過可惜佢話話暫時未有呢個計劃，不過如果有主辦單位𨘋請參加活動，佢非常樂意。

池昌旭近日再訪台灣，仲被Fans要求再開見面會
今次池昌旭喺台灣逗留三日兩夜，工作完成後仲想同工作人員一齊行夜市同食蚵仔麵線，下次有時間希望行吓信義區同寺廟，亦想挑戰一下電單車環島遊。

現場逼爆傳媒同Fans
另外現場亦發生一場小插曲，品牌嘅總裁忽然向池昌旭發問，如果要佢拼砌手上嘅腕表要用幾多時間，嚇到池昌旭即時露出尷尬又不失禮貌嘅表情，之後爆出一句:「我估計做不來」希望可以打圓場。最後總裁亦指池昌旭係優秀演員而唔係鐘表師傅，幽默咁回應呢個尷尬局面。