StarTalk丨MC Jin談及人生事業低潮 笑談父子三人Battle Rap歌

相隔十年再推出新專輯嘅MC Jin作客《StarTalk》接受主播許文軒訪問，佢都話今次創作靈感嚟自參與內地綜藝節目，因為當時要寫首新歌，而歌詞係講述人生就好似過山車咁。

相隔十年再推出新專輯嘅MC Jin作客《StarTalk》接受主播許文軒訪問。
MC Jin憶述人生谷底就係喺2001至2002年時，佢話當時變咗新公司兼出碟，由於公司預測過高，佢又被推高自信，結果推得越高就跌得越痛，佢話當年22歲嘅自己完全無方向無自信，根本無勇氣企起身，甚至想放棄Rapper同Hip Hop。

幸好當時有仲未結婚嘅太太出現。
幸好當時有仲未結婚嘅太太出現，同樣熱愛Hip Hop嘅太太問佢覺唔覺得咁係好浪費自己，於是令佢重新去做。MC Jin講到兩個囝囝自細都被Hip Hop薰陶，佢仲話每逢夜晚兩個囝囝要瞓覺同擦牙前，就會搵佢Battle，目的係拖延時間唔想瞓，佢又指大仔似媽咪，似係做幕後啱啲，而細仔就好有表現欲，不過佢話只會畀囝囝做自己鍾意嘅嘢，唔會局限佢哋發展。