StarTalk一氣呵成版丨MC Jin新專輯忠於自我信念 平衡工作家庭常與太太溝通

MC Jin歐陽靖作客《StarTalk》接受主播 許文軒 專訪，談及相隔十年再出新專輯，MC Jin指過去十年都有創作不同類型作品，但可能唔夠統一，未能集中成為專輯，直至去年參與綜藝節目時寫關於人生嘅作品，終於啟發到佢創作專輯嘅靈感。

MC Jin相隔十年再出新專輯。MC Jin同太太。
專輯中集合多種語言，MC Jin指這幾種語言其實一直喺佢饒舌歌手生涯中出現，由初時喺美國以英文歌出道，到中期改以挑戰廣東話創作，直至近六至七年接觸普通話。佢話今次專輯完全拋開商業元素，只要自己覺得首歌適合咩語言就唱，甚至一首歌有幾種語言都會有，佢反思其實創作人就係要忠於自己，先可以感動到人。
MC Jin一家四口。
進軍內地市場，MC Jin不時都會離開屋企工作，講到平衡工作同家庭，佢話自己好享受接送囝囝返興趣班，以及做日常家務。其實佢同太太不時都討論呢個話題，就係幾努力賺錢，但係如果同小朋友關係疏離咗，咁又值唔值得呢!
MC Jin接受《StarTalk》訪問。