StarTalk丨港女野人挑戰紐西蘭山峰 胡美貽被拍檔爆行裝最多

何泳芍、胡美貽、陳若思同廖慧儀之前拍攝嘅真人騷節目《港女野人》大受歡迎，四位靚女再次合作拍攝《港女野人奇異記》，今次佢哋衝出香港，去到紐西蘭進行探險之旅。四位靚女作客TVB娛樂新聞台節目《StarTalk》專訪，與主播詹可琳分享佢哋嘅拍攝點滴。

何泳芍、胡美貽、陳若思同廖慧儀再次合作拍攝《港女野人奇異記》，呢日作客TVB娛樂新聞台節目《StarTalk》專訪。
當初收到通知會飛到紐西蘭拍攝，四位靚女既期待又有啲擔心，因為知道相比起香港嘅山峰，當地行山難度係更艱辛。21日嘅行程，佢哋事前做足準備，廖慧儀為免喺野外無廁所，更加準備定女性野外便解器。講到邊個人帶得最多行李？佢哋都一致指向胡美貽，當事人解釋自己全程無洗衫，帶足21日嘅衣服，另外佢又準備其他人用嘅護膚用品。

胡美貽帶足21日嘅衣服，另外佢又準備其他人用嘅護膚用品。
講到紐西蘭嘅探險之旅，佢哋話當地有好多唔同種類嘅山峰，所以行起上嚟無咁悶。講到最辛苦一站，佢哋都異口同聲話係行冰川，因為已經接近拍攝尾聲，大家體力都下降，廖慧儀仲舊患復發。經歷過今次拍攝，佢哋都話冇嘢再難到佢哋。Honey仲講到自己喺社交平台分享嘅靚相，獲劍神張家朗給Like一事，四位靚女仲講到嚟梗下一個目標係乜。

講到紐西蘭嘅探險之旅，佢哋話當地有好多唔同種類嘅山峰，所以行起上嚟無咁悶。