我推的野男LIVE!｜港女野人大戰野男贏出 四女共同睇好心儀人選吳宇軒

TVB PLUS直播選秀節目《我推的野男LIVE!》呢集請嚟港女野人胡美貽（Nicole）、何泳芍（Honey）、廖慧儀（Jessica）、陳若思（Amber）做嘉賓同一眾肌肉猛男比拼。Nicole同Amber合力翻車軚，Honey同Jessica就二比一同健身模特兒凌志傑（Irwin）扯大纜贏咗噃！

Nicole同Amber合力翻車軚。
Honey同Jessica自認腳力同默契十足，先可以贏到對方。Honey笑言認為公司要整個野女Live！能夠感受到一眾爆肌型男魅力，仲要一齊玩，真係令到四位女士非常興奮，而佢哋更有一致睇好嘅參賽者，就係吳宇軒（Eric）喇！四位嘅欣賞亦令Eric受寵若驚，不過佢不忘趁呢個好機會為自己拉拉票，叫大家支持吓佢。

Honey同Jessica就二比一同健身模特兒凌志傑（Irwin）扯大纜贏咗噃！

節目播放當日亦係《港女野人奇異記》首播嘅日子，除咗開Live同大家傾偈，更大派福利，Honey仲話會率先做派福利嘅人，可以陪大家食飯。 而呢集施顯澍同王元龍暫時被淘汰，但兩位冇唔灰心，仲希望再戰野男。王元龍自認狀態未夠好，希望有機會再出力，更豪言大家可以搵佢請食飯，全港人都可以搵佢。而施顯澍就同大家講，唔好見佢平常笑騎騎，其實佢都可以好認真，希望大家畀多啲熱度佢，令佢可以再表現。

呢集施顯澍同王元龍暫時被淘汰，但兩位冇唔灰心，仲希望再戰野男。節目播放當日亦係《港女野人奇異記》首播嘅日子，除咗開Live同大家傾偈，更大派福利。