周慧敏宣布告別大型演唱會搞喊歌迷 盼多留時間陪伴老公及愛貓

56歲「玉女掌門人」周慧敏出道將近40年，最近舉行世界巡迴演唱會，日前喺澳門站跳唱不少經典歌曲，見佢狀態大勇，尾聲嗰陣突然宣布唔再舉辦個人大型演唱會，台下歌迷聽到周慧敏「封咪宣言」紛紛表示不捨，更有歌迷忍唔住當場爆喊。

周慧敏突然宣布唔再舉辦個人大型演唱會。

周慧敏希望之後多留時間陪伴老公倪震同愛貓，想有更多共處時間，同時佢亦想好好調理好自己身體；為咗留畀歌迷最好嘅舞台回憶，周慧敏施展渾身解數，自彈自唱載歌載舞，周慧敏唱到哥哥張國榮（Leslie）為佢作曲嘅歌，佢形容故友猶如天使守護，感謝前輩Leslie一直扶持，周慧敏又指自己永遠會感激Leslie。

歌迷聽到後即刻忍唔住落淚。

周慧敏表示想留多啲時間畀家庭、貓仔同老公。
呢日周慧敏邀請黃劍文擔任嘉賓，二人合唱經典歌《流言》，周慧敏喺演唱會尾聲播出剪輯嘅心意短片贈送畀歌迷，感激歌迷多年嚟嘅支持同陪伴。
呢晚周慧敏邀請咗黃劍文擔任嘉賓。