陳奐仁派福利一身爆肌謝票 自我研究減肥新方法免捱餓

陳奐仁（Hanjin）早喺15年前推出首張爵士大碟，為紀念呢個重要日子，將會喺10月初舉辦爵士音樂會，由於銷情反應熱烈，Hanjin決意提前答謝爵士迷支持派彩蛋，赤膊騷肌謝票，拍攝當日經過見到嘅女性都心心眼。

Hanjin決意提前答謝爵士迷支持派彩蛋，赤膊騷肌謝票
48歲Hanjin多年前搣甩圓潤身形，花長時間苦練變成肌肉男，Hanjin本來喺早前演唱會發布會上答應記者朋友們，如果反應好，明年16周年先騷肌，但實在太感謝所有買票嘅爵士迷，唔騷唔得，一定要多謝大家。

48歲Hanjin多年前搣甩圓潤身形，花長時間苦練變成肌肉男
Hanjin不單止練得一排朱古力腹肌，更有一身結實嘅胸肌及手臂巨型老鼠，仲自信分享操肌新方法，簡單又唔傷身，更不用節食同跑步，就係每日堅持行路8公里、做掌上壓、適量舉重訓練；飲食方面，不用戒口節食，飯、肉、薯片可以照食，當然唔好暴飲暴食啦﹗回想以前為減肥跟教練每日狂操八個鐘運動，搞到日日肌肉好痛。之後Hanjin就用咗幾年時間，不停研究，終於成功研發到行路新方法。

Hanjin不單止練得一排朱古力腹肌，更有一身結實嘅胸肌及手臂巨型老鼠，仲自信分享操肌新方法
Hanjin今次將夥拍香港爵士音樂教父之稱嘅爵士鋼琴家Ted Lo演出，排練得如火如荼，好期待演唱會來臨，更形容音樂會集合友情、聽覺、視覺、味覺享受嘅音樂饗宴。