劉若英瀋陽巡唱遇叛徒 向嘉賓任賢齊撒嬌不公平

劉若英(奶茶)相隔八年再到瀋陽舉行一連兩場巡迴演唱會，多年無見當地嘅粉絲，奶茶都滿心期待，仲特別學咗幾句東北方言同粉絲打招呼，又帶咗新歌《不營業的日常》首次唱比粉絲聽。奶茶嘅粉絲一樣好有心思，為咗歡迎偶像大駕光臨，各出奇謀創作應援標語，「為你瘋癲為你狂，歡迎子來瀋陽。」、「陪你飛行千萬里，瀋陽終於等到你。」氹得奶茶不知幾開心。

劉若英相隔八年再到瀋陽舉行演唱會。

為咗歡迎偶像大駕光臨，fans們各出奇謀創作應援標語。為咗歡迎偶像大駕光臨，fans們各出奇謀創作應援標語。

奶茶連續兩晚獲任賢齊做嘉賓，小齊驚喜現身時令全場粉絲尖叫聲四起，搞到奶茶都有啲呷醋話：「小齊上台粉絲們比見到我更大聲，這樣公平嗎？」並撒嬌指fans係叛徒，笑問：「到底是想睇小齊還是我呢？」當然奶茶只係講下笑，其實佢同小齊相識多年，喺音樂路上亦一直互相扶持，呢晚佢哋更一齊溫馨合唱《成全》同《依靠》，盡顯默契。

劉若英撒嬌指fans係叛徒。任賢齊連續兩晚為奶茶演唱會擔任嘉賓。