陳山聰龔嘉欣八號風球下出發去澳洲開工 準備探訪當地老人院大感期待

陳山聰同龔嘉欣呢晚喺八號風球下，準備出發去澳洲工作，佢哋預早到機場，陳山聰指一指身邊嘅龔嘉欣係貴人，笑言貴人出門招風雨，龔嘉欣希望早啲嚟到機場等候，感覺成個人會定啲。

陳山聰同龔嘉欣喺八號風球下出發去澳洲。兩人表示將會到當地老人院探訪。

山聰同嘉欣呢次去澳洲，更會探訪當地老人院，嘉欣大感期待，好想多啲時間同老人家傾偈，又會唱歌畀老人家聽吓，希望大家都開心，講到山聰喺今年暑假帶咗阿仔陳霆軒（Jaco）去泰國同日本，而家開咗學，為免影響阿仔嘅學業，山聰平時嚴格監控阿仔睇電視嘅時間，每日只准阿仔睇半個鐘電視。
陳山聰同龔嘉欣提早到機場。陳山聰話為免影響阿仔嘅學業，平時嚴格監控佢睇電視嘅時間。