中年好聲音3丨蕭偉倫照顧癌母仍努力追夢 何平秋獲親弟何平亮並肩陪伴出戰

呢個星期日晚播出《中年好聲音3之決戰新馬》，呢個賽區餘下10名選手出場，身形高大嘅駐場樂隊歌手蕭偉倫，因過往有參加比賽嘅戰績，賽前被睇高一線，原來蕭偉倫今次嚟參賽壓力好大，一方面要努力備戰、另一方面要照顧患癌嘅媽咪。

蕭偉倫今次嚟參賽壓力好大。

蕭偉倫指今次參賽歌曲《最愛的你》係送畀媽媽，坦言呢段時間要陪媽媽去醫院，媽媽要接受化療，同埋媽媽要準備下月做手術，由於媽媽唔方便去多人嘅方，蕭偉倫希望盡力比賽去到最後，媽媽做完手術後康復嘅狀態嚟睇佢唱歌。
蕭偉倫指呢次嘅參賽歌曲係送畀媽媽嘅。
新馬賽區最年長選手傅開成，嚟緊呢集亦會上陣，傅開成從黑白電視年代已玩歌唱比賽，呢位嚟自新加坡攝影師，唔只打扮上相當特別，仲散發出對唱歌滿滿嘅熱愛，一直喜歡挑戰自己。

新馬賽區最年長選手傅開成。

呢集另一焦點係有一對姊弟何平秋、何平亮一齊出賽，何平亮本來係陪家姐海選，卻意外進入二十強陪到嚟香港TVB，佢哋嘅爸爸本身係音樂老師，兩姊弟自細被訓練唱歌，講到二人嘅參賽經驗，今次係家姐何平秋第二次參加歌唱比賽，而細佬何平亮做節目策劃，佢笑言有時節目安排唔到歌手就要自己頂埋！
姐姐何平秋。弟弟何平亮。