洪永城貼心愛妻號陪妻去醫院洗傷口 Inez康復進度良好須早晚在家浸藥水

洪永城太太梁諾妍（Inez）今年3月誕下細女Beryl，極速修身成功，產後即開始做運動，Inez喺8月30號入院透露要做小手術，要休成個星期先可以再跑步，Inez日前喺社交平台貼出健身相，指突如其來嘅手術對佢打擊實在太大。

Inez日前喺社交平台貼出健身相，指突如其來嘅手術對佢打擊實在太大。
Inez每日去醫院洗傷口都要鼓起好大勇氣，因為洗傷口真係痛，仲要唞足一個月先可以跑步，始終佢傷口喺啲大腿內側位置，個傷口都大，又怕流汗驚細菌再感染，Inez本來11月跑馬拉松，想做時間都要告吹，Inez用咗成個星期先慢慢接受到。

Inez每日去醫院洗傷口都要鼓起好大勇氣，而洪永城頭一個星期每日抽時間陪太太Inez去醫院，真係貼心愛妻號。
而Inez亦有喺社交平台貼出洪永城近照，指老公洪永城頭一個星期每日抽時間陪太太Inez去醫院，真係貼心愛妻號，Inez表示：「傷口康復進度良好，終於唔使日日去醫院洗傷口，變咗3日先洗，唔使去洗傷口嘅日子要早晚在家浸藥水，不過始終傷口都大同深，真係要時間癒合。最多謝洪生，頭一個星期日日要去醫院都盡量抽時間陪我，因為佢知道洗傷口都真係好痛，Love u la！」

Inez雖然暫時冇得跑步，不過佢如常有健身。