宣萱劉佩玥八號風球飛布拉格 機場巧遇曹永廉邀約一同慶生

新劇《巨塔之后》嘅演員陸續出發前往布拉格拍攝外景，呢日就有宣萱、劉佩玥、陳楨怡同李爾晨，仲巧遇另一套劇《刑偵12》嘅曹永廉，阿Moon同阿廉出發當日撞正香港掛八號風球，好彩最後有驚無險順利出發，阿Moon話為咗避開颱風，工作人員特登更改班機時間，安排大家提早飛。

劉佩玥同宣萱喺機場偶遇同樣都係出發去布拉格嘅曹永廉。

9月9號就係阿Moon嘅35歲生日，佢唔單止冇任何plan，仲連自己嘅生日都唔記得，今年生日要喺布拉格過，不過有成個劇組陪伴，應該都會好熱開，阿Moon仲邀請阿廉留多兩日，陪佢一齊切蛋糕。

到底佢哋講咩笑到咁？
阿Moon叫曹永廉多留兩間一齊慶祝生日。

阿Moon之前有成個幾月冇更新社交平台，令fans都好擔心，原來佢係為咗投入角色，特登潛水與世隔絕：「喺佛山拍劇，我同宣萱姐姐嘅時間真係好似打仗咁，所以就擺低咗社交媒體一陣，同埋可以令我做嘢嘅心情專心啲。」

陳楨怡同李爾晨。
陳楨怡同李爾晨都係第一次去布拉格，佢哋已經事先做定功課，一有空閒時間就可以四處遊覽，陳楨怡話想食豬手，李爾晨話自己好開心，因為得一兩場戲要拍，拍完就可以放假到處玩啦！