馮德倫吳彥祖兩大型男紐約聚頭 齊睇時裝騷網友：《美少年之戀》合體

紐約時裝周揭開序幕，有品牌舉行嘅春夏新裝展，出席嘅嘉賓可以話包含世界各地巨星，好似英國男星Jude Law、日劇女王 鈴木保奈美 、日本混血名模 長谷川潤、美國R&B天王 Usher 韓國演員 柳俊烈 女團aespa成員Winter、鄭秀晶(Krystal)等，而香港兩大型佬 馮德倫同老友 吳彥祖 都樣係品牌座上客。

型佬馮德倫同吳彥祖，仲有劉詩詩(左二)等嘉賓一齊參與品牌時裝騷
今次品牌仲邀請90年代元祖級超模Naomi Campbell同Christy Turlington合體行騷，令表演更為盛大。
嘉賓又包括日本混血名模長谷川潤、日劇女王鈴木保奈美

Stephen同Daniel雖然相識近30年，不過原來今次係佢哋相識以來首次同場欣賞時裝騷，仲係型男指標Daniel人生首次獲邀睇騷，加上老友聚首就更加愉快喇。Stephen話：「今次唔係第一次嚟到美國參加呢個品牌嘅活動，其實每個地方都有唔同特色，今次喺The Hamptons呢個地方開騷，我都係第一次嚟，我知道呢個地方係好多人嚟渡假、天氣好好、陽光海灘嘅地方。今次同好朋友Daniel一齊參加，聽講佢係第一次睇時裝騷，我都好surprise，有多個朋友傾偈都好開心。」
Stephen指同Daniel首次一齊睇騷又聚舊非常高興

唔少網友見到男神合體，仲留言大讚兩人靚仔，仲有人指呢次係「美少年之戀合體」Daniel就透露今次睇騷感覺超級興奮：「因為咁大個第一次睇國際性嘅時裝騷，好開心同老友Stephen一齊，我哋已經有差唔多30年嘅友情，所以一知道可以一齊參加真係好開心。」

入行多年嘅Daniel今次竟係首次現場欣賞時裝表演