李敏鎬回復男神身材現身記招 新劇以多國台詞演繹似玩IQ題

韓國男神 李敏鎬 日前被指身形暴脹，簡直就係形象崩壞嘅發水麵包。不過最近佢出席同金敏荷、奧斯卡最佳女配角尹汝貞主演嘅新劇發布會記招時，瘦削身材同下顎線都終於返咗嚟！ 呢次敏鎬喺劇中戲份雖然並唔多，但係佢就話自己揀劇本唔係以戲份多少為主，而是更在乎質量。加上呢次劇集題材喺韓國作品中少見，所以自己認為「一齊完成作品」嘅想法更重要。 

早前被指身形暴漲嘅李敏鎬呢日回復狀態宣傳新劇

喺劇中飾演負心男嘅敏鎬同金敏荷有唔少對手戲，台詞更穿插日文、英文、韓文等多國語言，令敏鎬都認為好似玩緊腦筋急轉彎。不過佢亦喺唔同語言中感受到箇中魅力，令自己更投入演出。

新劇唔止同金像女配角尹汝貞合作，佢仲要英、日、韓三語對白演出