丁噹預告香港個唱有特別歌單 呼籲歌迷自製創意牌即場邀歌

仲有唔夠半個月， 丁噹 就會喺香港舉行演唱會，相隔7年再踏上香港舞台，丁噹都相當期待。佢喺騷前去到商場舉行簽票會，實行同歌迷嚟個騷前預演。丁噹亦以廣東話同歌迷打招呼，嚟緊嘅香港站演出，佢仲話為香港歌迷排過新歌單，當中更會挑戰廣東歌，不過就話廣東話發音真係好難。

丁噹為即將來臨嘅香港演出舉行簽票會
最近佢同 吳若希 合唱全新廣東歌歌《談戀愛》，不過演唱會仲未肯定Jinny能否擔任嘉賓，希望有機會俾觀眾喺現場聽到合唱。丁噹又呼籲歌迷自製創意牌，因為唔少歌迷以往都習慣現場點歌，如果歌迷高舉創意牌，佢就會知道大家想聽咩作品喇。

佢又呼籲大家自製創意應援，到時會揀最顯眼嘅接受點唱