劉德華深圳開騷驚嚇險墜台 耍冧向歌迷講「我愛你」表白

劉德華世界巡迴演唱會36場內地站日前喺深圳圓滿結束。華仔今次喺內地巡唱頻生突發事件，繼上次喺上海站幾乎跌落三米高台，呢晚舞台機關又再出狀況，喺華仔唱到《男人哭吧不是罪》時，舞台機關突然打開，華仔幾乎成個人跌落舞台空洞，情況驚險。

劉德華世界巡迴演唱會36場內地站日前喺深圳圓滿結束。

事後華仔承認手指受傷，亦承諾大家，以後一定會小心安全。 開騷前一日撞正颱風「摩羯」來襲，但風雨難阻歌迷熱情，見到大家排除萬難嚟睇騷，華仔都好感動，更不時就同歌迷互相表白：「我愛你」，又話唔知點樣報答大家嘅愛。但有趣嘅係，華仔見到台下有唔少男歌迷，令佢感到好驚喜。最後華仔以一首《謝謝你的愛》答謝歌迷，回應喺呢36場大家對佢講嘅每一聲「我愛你」。 

華仔就話啱啱完成36場演出只係屬於第一階段，希望呢一切都係一個開始。

36場驟眼睇好多，華仔同大家一樣都覺得眨吓眼就過，簡直意猶未盡。而華仔就話啱啱完成36場演出只係屬於第一階段，希望呢一切都係一個開始。如果問佢認為邊個環節最好，佢會認為係觀眾最好。