陳凱琳學習擁抱不完美 反擊外界多年收養論傳言

擁有一個幸福家庭嘅陳凱琳（Grace），同龍鳳胎細佬Derek多年來都因為膚色、五官深遂而遭受外界猜測非父母親生，更被認為二人非中國人血統。日前Grace接受一個網上節目訪問大談「明星光環外的她」呢個主題，喺講到：「如果與不安共存」時，Grace就主動提起「膚色問題」爭議。

陳凱琳接受網上訪問。

Grace坦言從外表而言，因為喺初入行時經常會聽到有人話：「你睇起嚟唔似中國人，你似其他種族，你父母可能係收養你，但妳並唔知道。」又會有人覺得Grace太瘦、膚色太深了，所以令Grace認為自己唔夠靚、唔夠好。不過經過歲月洗禮，令Grace意識到，每個人都係生得唔一樣，亦有自己獨特之處：「我覺得如果我地都似用模刻出嚟，生得一模一樣，呢個唔單只係無聊，亦會令一切變得平淡。」
 

陳凱琳與家人。
Grace亦表示自己會嘗試擁抱不完美，又認為自己冇錯，佢唔係大家想像中嘅樣：「我就是我」，而且Grace認為係神創造自己嘅樣貌：「我希望保持自己嘅樣，我希望大家睇到我會話：『嗰個係Grace』，嗰個就係佢嘅樣，咁樣都係一種美。」
陳凱琳同細佬。