法證先鋒VI製作花絮丨關楚耀與林景程同演一角 蔡潔面對兩男友呻好忙

熱播劇《法證先鋒VI倖存者的救贖》當中關楚耀飾演嘅角色冼陽，喺劇中係由兩位演員同時飾演，身為冼陽另一半嘅蔡潔就喺花絮片揭露冼陽真身，佢話關楚耀飾演嘅冼陽係佢幻想中出嚟嘅白馬王子，而林景程飾演係別有居心嘅冼陽。

法證Boys

話要係飾演同一個角色，所以劇本都要求佢哋兩人喺劇中要神同步做同一場戲，鏡頭前好似好易，但背後佢哋付出好大努力，除咗不斷排練至神同步，仲要喺對方演出時，喺旁邊不停觀察，務求自己演時更神似。
因為要面對兩個冼陽，所以蔡潔有唔少戲份都要演多次。
面對兩位冼陽，蔡潔不少戲份都要重複再演一次，望住兩位冼陽，佢更封兩人為「法證Boys」。去到煞科日，蔡潔終於可以擺脫兩位男友，佢笑言「兩個男友真係好忙，大家唔好學我呀!」
另一位冼陽（林景程 飾）終於現身。