Rain台北現身健碩胸肌超搶鏡 謝欣穎鼓勵王柏傑勇敢面對過錯

韓國天王Rain呢日現身台灣出席一個品牌活動，以All Back中長髮現身嘅佢，雖然著住厚重嘅長袖秋裝，不過胸前嘅Deep V完全遮唔住佢嘅健碩胸肌，而阿Rain亦展現親和力。

Rain現身台北一個品牌活動大騷胭肌
同場仲有台灣女星 蔡詩芸 同 謝欣穎 ，Dizzy老公 王陽明 主演嘅新戲創下兩億台幣票房佳績，佢當然好戥老公開心，佢話見到Sunny呢排好落力宣傳，不過就算再忙再攰，Sunny返到屋企都會陪小朋友玩，大讚老公係滿分好爸爸！
謝欣穎似乎因男友醉駕而顯得心事重重

相反欣穎就有啲煩心事，事關佢男朋友王柏傑因為醉駕惹上官非，而家處於停工狀態。欣穎話男友心情調適得唔錯，對於下星期就要面臨判決，欣穎除咗安慰男友，亦鼓勵佢要勇於面對過錯，承擔責任，而佢好相信經歷今次嘅難關，王柏傑2.0一定會更好更成熟。