港姐決賽｜決戰前夕泳衣綵排試后冠 8號盧凱怡成幸運兒4號6號病倒

《2024香港小姐競選》星期日晚就隆重舉行，決賽前夕15位佳麗以泳裝亮相綵排，並抽籤進行試戴后冠儀式。不過 4號謝淑怡 同 6號李曼思 就因為身體不適缺席。

今屆港姐決賽星期日晚20:00正式展開
其餘13位佳麗包括1號陳紫佟、2號倪樂琳、3號王汛文、5號莊曉婷、7號秦冀雯、8號盧凱怡、9號陳甜甜、10號吳芷靖、11號梁嘉莹、12號鍾翠詩、13號程姜月、14號楊梓瑤、15號俞可程，齊齊以紅色兩件頭泳衣登場，經過三個月嘅訓練，各佳麗無論身型同儀態都已經進入最佳狀態，舉手投足充滿自信美。
8號盧凱怡被抽中試戴后冠

心情非常興奮嘅佢，話希望決賽自己亦可以順利封后

星期日傍晚我哋將直播紅地氈現場情況

被抽中試戴后冠嘅幸運兒係8號盧凱怡，並由上屆冠軍莊子璇「加冕」，盧凱怡話可以試戴后冠心情非常興奮，希望喺決賽舞台有機會戴上真正屬於自己嘅后冠。
即將卸任嘅莊子璇去年參選時亦被抽中試戴后冠，佢大讚盧凱怡表現淡定過自己，而再次企上港姐舞台，佢亦感嘆時光飛逝，仲搞笑話要唱首歌叫我今日是冠軍，因為聽日自己就要卸任冠軍咁話！

莊子璇指自己心情非常複雜