魏浚笙11月開騷唔敢應承騷肌 被問明禎緋聞耍太極唔敢答

魏浚笙 呢日同 陳凱詠 泰國女星Prim 呢日一齊現身一個品牌活動，Jeffrey 11月就會同 洪嘉豪 仲有 陳蕾 合作開騷，佢就話今次同兩位拍檔首次同台，希望觀眾到時盡情享受，雖然目前仍係商討演出內容中，仲話大家都對演出非常期待呀。

Jeffrey呢日同幾位靚女一齊出席品牌活動
至於佢到時會唔會騷肌，Jeffrey就指要睇到時嘅情況先再決定喇。至於近日大馬女神 林明禎 嘅緋聞傳到熱哄哄，被指係媒人嘅Jeffrey就否認自己有參與牽線，只要雙方都開心就夠，央求記者朋友放佢一馬之下，之後就大耍太極，扯到去相信命運咁話喎。

被指係明禎同Edan之間媒人嘅佢大耍太極