ENERGY高雄巨蛋再現E16蹲書偉激動喊爆高呼此生無憾

重新合體大成功嘅台灣男團 ENERGY ，台北小巨蛋演唱會圓滿落幕後，呢日移師高雄巨蛋再開一連兩場演唱會，ENERGY五子見到滿場觀眾，心情明顯好high，頻頻同大家互動，一齊跳舞又齊齊比心心。而Fans亦好識做，全場落力大合唱《分合》，令五子非常感動。

ENERGY移師高雄舉行兩場演出
至於掀起一股dance challenge熱潮嘅《星期五晚上》當然都唔少得啦！五子即場再跳E16蹲，現場氣氛High爆。兩日嘅演唱會，除咗勁歌熱舞，五子仲分別有dance solo，活力完全不減當年。尤其團長牛奶嘅招牌頭轉，威力同樣強勁。唱到當年嘅大熱歌曲《無懈可擊》、《放手》，氣氛熱烈之餘仲帶俾全場歌迷回憶殺。

又同歌迷近距離互動
除咗熱烈十足嘅跳唱，五子亦有感性一面，尤其講到歌迷橫跨20年嘅支持，阿弟同書偉雙雙激動落淚，書偉仲以「此生無憾」來形容自己嘅感受。

相隔多年重組演出，令佢哋都非常感觸